Tratamenduak · Hortz-protesiak
Hortz-protesiak
Jan, hitz egin eta irribarre egin berriro, erosotasun osoz
Mastekatzeko funtzioa berreskuratzea
Hortz-protesiak
Hortz bat edo gehiago galdu direnean, hortz-protesiek ahoaren funtzioa eta irribarrearen estetika berreskuratzen laguntzen dute.
Lehen, protesi erauzgarri konbentzionalak ziren aukera ohikoena. Hala ere, askotan ez zuten behar adinako egonkortasunik eskaintzen, eta mugimenduak, narritadurak edo mastekatzeko zailtasunak eragin zitzaketen.
Titaniozko hortz-inplanteen garapenarekin, ordea, protesiak eusteko modu berri bat iritsi zen. Gaur egun, inplanteek sustrai artifizialen lana egiten dute, eta protesiak modu sendo, eroso eta seguruan finkatzen dira.
1970eko hamarkadaTitaniozko hortz-inplanteen hasiera
Sustrai artifizialak
Ebakuntza sinple baten bidez, hortz-inplanteak hezurrean jartzen dira, eta horien gainean finkatzen da protesia.
Inplanteetan bermatutako protesiek ez dute itsasgarririk behar, eta ez dira mugitzen jatean edo hitz egitean. Horri esker, erosotasun handiagoa, egonkortasun hobea eta mastekatzeko gaitasun naturala berreskuratzen dira.
"Protesi egonkor batek konfiantza ematen du: naturaltasunez jan, hitz egin eta irribarre egiteko askatasuna."
Inplanteen gaineko hortz-protesiek erosotasuna, funtzionaltasuna eta estetika uztartzen dituzte, eguneroko bizitza errazagoa eta atseginagoa izan dadin.
Hortz-protesiei buruzko azalpen-bideoa
Hortz-protesien onurak
01
Funtzionaltasuna berreskuratzea
Galdutako hortzak ordezkatzen dituzte, eta berriro ere normaltasunez jan, hitz egin eta gozatzeko aukera ematen dute.
02
Irribarre naturalagoa
Hortz-protesiek irribarrearen harmonia berreskuratzen dute, eta norberarenganako konfiantza handitzen laguntzen dute.
03
Aurpegiaren euskarria
Hortzak galtzean aurpegiaren egitura ere alda daiteke. Protesiek bolumena eta aurpegiaren forma naturala mantentzen laguntzen dute.
04
Erraz zaindu eta mantentzekoak
Gaur egungo hortz-protesiak erosoak dira erabiltzeko eta errazak garbitzeko. Mantentze egokiarekin, urte luzez egoera onean iraun dezakete.
Berreskuratu zure irribarrea
Aldaz Hortz Klinikan zure beharretara egokitutako hortz-protesiak diseinatzen ditugu, berriro ere erosotasunez jan, hitz egin eta irribarre egin ahal izan dezazun. Horretarako, teknologia aurreratua eta kalitate handiko materialak erabiltzen ditugu, emaitza iraunkor, funtzional eta naturalak lortzeko.
Hortzak galdu badituzu edo zure egungo protesiak ez badizu behar duzun erosotasuna eskaintzen, zatoz Lasarte-Orian, Tolosan edo Elgoibarren ditugun kliniketara. Zure kasua aztertu, aholkuak eman eta zuretzat egokiena den irtenbidea proposatuko dizugu.
Aldaz Hortz Klinikan, irribarre egiteko arrazoia berreskuratzen lagunduko dizugu.
