Guri buruz

Gure ibilbidea

30 urte baino gehiago irribarreak zaintzen Gipuzkoan

Aldaz Hortz Klinika 1995ean sortu zuen Juanjo Aldazek Lasarte-Orian. Hasieran, talde txikia ginen eta espazio xume batean egiten genuen lan, baina hasieratik argi genuen gure helburua: gertuko arreta eta kalitatezko odontologia eskaintzea.

Urtez urte, pazienteen konfiantzari esker, hazten joan gara. Taldea handitu dugu, gure zerbitzuak zabaldu ditugu eta instalazio berrietara lekualdatu gara, gero eta pertsona gehiagori arreta onena eskaintzeko. Hazkunde horren ondorioz, 2007an Lasarte-Oriako klinika berriz handitu genuen.

Ordutik hona, kalitatea, berrikuntza eta gertutasuna izan dira gure lan egiteko moduaren oinarriak. Teknologia berrien aldeko apustua egin dugu eta diziplina anitzeko profesional-taldea osatu dugu, paziente bakoitzari tratamendurik egokiena eskaintzeko.

2008an Elgoibarren bigarren klinika ireki genuen, eta 2016an Tolosakoa. Horrela, gure odontologia ulertzeko modua Gipuzkoako gero eta pertsona gehiagorengana hurbildu dugu.

Gaur egun, Aldaz Hortz Klinika urteetako lanaren, etengabeko hobekuntzaren eta pazienteek guregan jarritako konfiantzaren emaitza da. Profesional espezializatuek osatutako taldea gara, odontologia ikuspegi etiko, pertsonalizatu eta pazientea erdigunean jarriz ulertzen duguna.

Pertsonak erdigunean

Konfiantzan, gertutasunean eta paziente bakoitzaren zaintzan oinarritutako lan egiteko modua.

Aldaz Hortz Klinikan pertsonak jartzen ditugu erdigunean. Gure ustez, odontologia ez da tratamendu bat egitea bakarrik; konfiantzazko harremana eraikitzea ere bada. Horregatik, pazienteekin ez ezik, gure taldearen barruan ere gertutasuna, errespetua eta elkarlana dira eguneroko lanaren oinarria. Gure profesional askok urteak daramatzate gurekin lanean. Horrek egonkortasuna ematen dio taldeari, eta pazienteei denboran zehar jarraipena eta konfiantza eskaintzeko aukera ematen digu.

Horregatik, 30 urte baino gehiago daramatzagu familia osoak artatzen. Kasu askotan, pazienteak urteetan profesional berarekin jarraitzen du, hala nahi badu, eta horrek konfiantzazko harremanak sendotzen laguntzen du.

Esperientzia handiko eta egonkorra den lantaldea dugu. Urteetako ibilbidea duten profesionalak eta ikuspegi bera partekatzen duten kide berriak elkartzen dira bertan: gauzak arduraz, irizpidez eta etikaz egitea. Erabaki bakoitzak bere arrazoia du, eta tratamendu bakoitza pertsona bakoitzaren beharretara egokitzen da.

Zergatik aukeratu Aldaz Hortz Klinika?

Gugan konfiantza izateko arrazoiak

Fobia edo antsietatea duten pazienteentzako laguntza psikologikoa

+

Dentistarengana joateak urduritasuna edo beldurra eragiten badizu, lasai. Badakigu ez dela erraza, eta horregatik laguntza pertsonalizatua eskaintzen dugu, tratamendua lasaitasunez eta segurtasunez bizi dezazun.

Antsietate-mailaren balorazio pertsonalizatua
Lehen hitzordutik bertatik laguntza eta jarraipena
Erlaxazio-teknikak eta laguntza profesionala
Beharrezkoa denean, sedazio kontzientea
Klinikara, kontsultara, profesionaletara eta ingurunera pixkanaka egokitzeko prozesua

Odontologiako arlo guztietako espezialistak

+

Tratamendu osoa jasotzeko ez duzu hainbat klinikatara joan beharrik. Odontologiaren espezialitate guztietako profesionalak ditugu, tratamendu integrala, koordinatua eta eraginkorra eskaintzeko, kanpoko deribaziorik gabe.

Pertsona bakoitzarentzat egokitutako tratamenduak

+

Pertsona bakoitzak behar eta egoera desberdinak ditu. Horregatik, tratamendu sinpleenetatik irtenbide aurreratuenetaraino eskaintzen ditugu, betiere zure beharretara eta aukera ekonomikoetara egokituta. Gure konpromisoa kalitatea eta zintzotasuna dira, inoiz beharrezkoa ez den tratamendurik proposatu gabe.

Finantzaketa malgua 48 hilabetera arte

+

Aho-hortzen osasuna zaintzea ez dadila oztopo ekonomikoa izan. Horretarako, interesik gabeko finantzaketa-aukerak eskaintzen ditugu, 3, 4, 6, 12, 24 eta 48 hilabetera arte, bankuaren onarpenaren mende.

Deskontuak kolektibo jakinentzat

+

Gure tratamenduak pertsona gehiagorengana irits daitezen, %10eko deskontua eskaintzen diegu familiei, pentsiodunei, enpresetako taldeei eta kirol-elkarteei. Gainera, aurretiaz ordainduz gero, beste %5eko deskontua aplikatzen dugu.

Etengabeko prestakuntza

+

Bikaintasun profesionalaren aldeko apustua egiten dugu. Prestakuntza-zentro propioa dugu, eta bertan gure taldea etengabe eguneratzen da teknika, material eta teknologia berrietan, betiere oinarri zientifiko sendoarekin.

30 urte baino gehiagoko konfiantza

+

Hasieratik gurekin egon diren paziente askok gaur egun ere guregan konfiantza izaten jarraitzen dute. Familia bereko belaunaldi ezberdinak artatzen ditugu, urteetan zehar eraikitako konfiantzari, gertutasunari eta kalitatearekiko konpromisoari esker.

Tratamendu konplexuetan zure alboan

+

Tratamendu batek hainbat fase baditu edo denbora gehiago eskatzen badu, ez zaude bakarrik. Prozesu osoan zure alboan egongo gara, zalantzak argituz eta une oro informazio argia eskainiz, lasaitasunez senti zaitezen.

Misioa, ikuspegia eta balioak

Gure lan egiteko modua

Misioa

Odontologia ulertzeko dugun modua gizartearekin partekatzea. Horretarako, praktika etikoetan oinarritutako tratamendu aurreratuak eskaintzen ditugu, pazienteak gertutik zaintzen eta bidelagun izaten gara, eta aho-hortzen osasunaren arloko profesionalen etengabeko prestakuntza sustatzen dugu.

Ikuspegia

Odontologiaren arloan erreferente izatea, gure balioekin bat datorren jardun etikoari eutsiz eta pertsonarekiko gertutasuna galdu gabe. Etengabeko berrikuntzaren alde egiten dugu, aurrerapen teknologikoak pazienteen ongizatearen zerbitzura jartzeko.

Balioak

Berrikuntza · Etika · Talde-lana · Bikaintasuna · Lidergoa.

Teknologia aurreratua

Zehaztasun handiagoa, erosotasun handiagoa

01

Pointnix 3D diagnostiko-ekipoa

Kalitate handiko hiru dimentsioko irudiak eskaintzen dituen diagnostiko-sistema aurreratua:

Erradiazio-dosi txikiagoa, pazientearen segurtasuna handitzeko
Irudi argiak eta zehatzak, bereizmen handiko sentsoreari esker
3D tomografiak, erradiografia panoramikoak eta zefalometria digitalak egiteko aukera

02

Argi ultramoreko hortz-zuritzeko lanparak

Irribarre zuri eta naturala lortzen laguntzen duen sistema. Arku osoko argi ultramoreko lanparek tratamendua hortz guztietan aldi berean aktibatzen dute, saio bakarrean emaitza ikusgarriak lortuz.

03

Aho barruko eskanerrak

Ahoaren irudi digital zehatzak berehala lortzen dituzte, molde tradizionalen beharra saihestuz. Horrela, pazientearen erosotasuna handitzen da, tratamendua azkartzen da eta historia klinikoa osatzen duen erregistro digital fidagarria lortzen da.

04

CAD-CAM bidez fabrikatutako protesiak

Ordenagailuz diseinatu eta fabrikatutako protesiek doitasun handiko errehabilitazioak ahalbidetzen dituzte. Teknologia horri esker, egokitzapena hobea da, errore-marjina txikiagoa eta emaitzak fidagarriagoak.

05

Berehalako karga-sistema

Hortz-inplanteak eta behin-behineko protesi finkoa egun berean jartzeko aukera ematen duen tratamendua. Horrela, pazienteak ez du hilabeteak itxaron behar inplanteak sendatu arte, eta ahoaren funtzionaltasuna nahiz estetika berehala berreskuratu ditzake.

Non gaude?